Azerbajxhani pas fitores së tij në luftën 24-orëshe premton amnisti për luftëtarët armenë që dorëzojnë armët .Delegacionet nga të dyja palët diskutuan shpërbërjen e shtetit të panjohur të Nagorno-Karabakut, ndërsa Azerbajxhani dërgoi një plan paqeje në Armeni.
Mediat e huaja shkruajnë se plani i ” riintegrimit ” vjen mes shqetësimeve në rritje se armenët që jetojnë në rajon do të detyrohen të largohen nga shtëpitë e tyre me forcë.
Armenët e Nagorno-Karabakut njoftuan një ditë më parë se do të duhet të marrin garanci sigurie përpara se të dorëzojnë armët e tyre , siç parashikohet në marrëveshjen e armëpushimit që ata arritën, pasi Azerbajxhani njoftoi se e kishte vënë rajonin separatist përsëri nën kontrollin e tij.
Presidenti i Azerbajxhanit, Ilham Aliyev ka thënë se grushti i tij i hekurt i ka dhënë historisë idenë e një Karabaku autonom armen dhe se banorët e rajonit tani e tutje do të jetojnë në “parajsën” e Azerbajxhanit.
Ndërkohë të drejtat e armenëve të Karabakut do të respektohen si pjesë e ” integrimit “, tha ai, duke shtuar se ata kanë kërkuar ndihmë humanitare si dhe furnizime me karburant. Tre dërgesa me ndihma humanitare do të dërgohen në rajon të premten, tha ai.
Armenia akuzon Azerbajxhanin për “spastrim etnik dhe mizori masive”./abcnews.al
