Ashtu siç pritej përplasja mes kryesuesve të tabelës së Bundesliga ka rezultuar të jetë spektakolare, me “bavarezët” e Bayern Munich dhe “aspirinat” e Bayer Leverkusen, që e mbyllën sfidën me rezultatin 2 me 2.
Sipari i golave u hap që në minutën e 7’-të të sfidës, ku pas një krosimi perfekt të Leroy Sane nga goditja e këndit, “bomberi” anglez, Harry Kane nuk gabon dhe çon topin në rrjetën e kundërshtarëve. Mirëpo, pjesa e parë nuk mbaron me kaq, pasi në minutën e 24’-t anësori spanjoll i “aspirinave”, Grimaldo ezkekuton në mënyrë “të magjishme” një goditje dënimi, duke “shtangur” totalisht portierin Ulreich.
Me fillimin e pjesës së dytë, të dyja skuadrat u hodhën në sulm për të gjetur golin e avantazhit, goli i cili erdhi fillimisht në minutën e 86’ të nga “katalizatori” i mesfushës së Bayern, Leon Goretzka, mirëpo, “aspirinat” kishin një tjetër plan për fundin e ndeshjes dhe në minutën e 94’-t, “fantazisti” argjentinas, Exequiel Palacios përkthen në gol një 11-metërsh, duke e mbyllur sfidën me rezultatin 2 me 2.
Me këtë rezultat, tabela e Bundesliga qëndron e pandryshuar, me vendin e parë që i takon “aspirinave” të Bayer Leverkusen dhe vendin e 2-të që e mbajnë “bavarezët” e Bayern Munich, me pikë të barabarta, por me diferencë golash. /i.m /abcnews.al
SHIKONI GOLAT:
Goli i Harry Kane, 1-0:
Goli i Grimaldo, 1-1:
Goli i Leon Goretzka, 2-1:
Goli i Exequiel Palacios, 2-2:
