Nga megaoperacioni anti drogë që po zhvillohet në Tiranë dhe disa qytete të vendit, është zbuluar edhe një lloj droge e re që vinte nga jashtë. Gazetarja Xhensila Kodra në një lidhje live për ABC News theksoi se lënda narkotike është në formë xheli dhe vinte nga jashtë, kryesisht me postë.
Ajo theksoi se nuk ka ende asnjë informacion se si trafikantët kanë arritur këtë lloj droge nëpërmjet postës. “Nga verifikimet, sipas burimeve të policisë, është faktuar se kjo lloj droge vinte me postë në vend. Janë disa raste që janë zbuluar në kryeqytet dhe një në policinë e Durrësit për drogën që vinte me postë.”
Më herët, gazetarja raportoi se nga operacioni, janë lëshuar 112 urdhër arreste vetëm në Tiranë ndërsa në pranga kanë rënë deri më tani 80 persona. Mes tyre ka edhe vajza. Burimet për ABC Neës kanë bërë me dije se në rang vendi, nga ky operacion janë arrestuar mbi 200 persona./abcnews.al
