Rusia së fundmi ka njoftuar se ka vënë në funksion raketën e re strategjike balistike Sarmat, e aftë për të goditur çdo objektiv në mbarë botën.
Njoftimi u bë nga kreu i agjencisë hapësinore Roscomos, Yuri Borisov, i cituar nga agjencitë ruse.
Mediat e huaja shkruajnë se transportuesi, Sarmat RS-28, ishte testuar në prill 2022 në një ngjarje të ndjekur drejtpërdrejt nga presidenti Vladimir Putin dhe festuar me tone triumfale, edhe pse Pentagoni me atë rast e kishte hedhur poshtë atë si një operacion “rutinë”.
Sipas parashikimeve të presidentit rus, raketa duhet të ishte vënë në funksion deri në fund të vitit të kaluar nga një bazë në territorin Krasnoyarsk, në rajonin qendror të Siberisë, por më pas pati një vonesë./abcnews.al
