Pasi shpërndarjes së ekipeve të fazës së parë, në grupet e UEFA Champions League, tashmë në shortin që po hidhet në Montecarlo janë mësuar dhe emrat e skuadrave që do t’i bashkohen “kampionëve” në grupet përkatëse.
Në grupin A, “bavarezëve” të Bayern Munich do t’i bashkohen “djajtë e kuq” të Manchester United, ku pritet një përballje e “magjishme” mes këtyre dy skuadrave.
Në grupin B, “andaluzianët” e Sevilla do të përballen me “topçinjtë” e Arsenal, në rikthimin e këtyre të fundit në fazën e grupeve të UEFA Champions League.
Në grupin C, kampionët e Serie A, Napoli kanë në grupin, “mbretërit” e këtij kompeticioni, Real Madrid.
Në grupin D, “shqiponjat” e Benfica do të presin nënkampionët e Evropës, Inter, në një përballje ku pritet të jetë spektakolare.
Në grupin E, kampionët e Eredivisie, Feyenoord do të kenë si rival “los colchoneros” të Atletico Madrid.
Në grupin F, “gjigandët” francezë të PSG do të mirëpresin “verdhezinjtë” e Borussia Dortmund.
Në grupin G, kampionët e Evropës, Manchester City do të kenë në grupin e tyre, rivalët e fazës së 1/8-ve në Champions League, RB Leipzig.
Në grupin H, “katalanasit” e Barcelona presin në grupin e tyre “dragojnë” e Porto. /i.m /abcnews.al
