Szczesny do të jetë portieri i parë i Juventusit edhe për sezonin e ardhshëm.
Në fillim, kishte shumë thashetheme lidhur me të ardhmen e tij, ku pretendohej se mund të transferohej në Arabi, por portieri polak ka dribluar këto fjalë merkatoje.
“Arabia? Unë kam fituar shumë para në karrierën time, nuk kam nevoj për to, preferoj sfidat argëtuese. Porta e Juventusit është gjëja më e mirë që mund të kem dhe të mbroj. Unë jam i lidhur me klubin dhe ata më duan mua këtu.
Pa kompeticionet europiane? Për herë të parë në karrierën time do të kem më shumë kohë për t’u stërvitur siç duhet dhe për të pushuar. Nuk është fundi i botës në fund të fundit, Champions League do ta shikoj nga televizori”, është shprehur portieri polak./h.ll/abcnews.al
