Loading ...
Tre persona janë dërguar në spital pasi material radioaktiv u gjet brenda një shtëpie në Sydney. Për disa orë, shtëpia në Arncliffe u rrethua me shirita paralajmërues për rrezik helmues, bërthamor ose biologjik brenda. Forcat australiane konfirmuan se operacioni u krye me ekipet e zjarrfikësve.
Zjarrfikësit kanë thënë se “izotopet me nivel të ulët radioaktiv” janë gjetur, raportoi BBC. Materiali u gjet në një kontejner, pa lëshim rrezatimi.
“Ata ishin në gjendje ta izolonin materialin pa ndonjë incident. Tre banorë të shtëpisë u dërguan në spital, vetëm për mbikëqyrje”, tha ekipi. U konfirmua se nuk pati prova të ekspozimit ndaj rrezatimit.
