Një lajm i keq vjen nga Anglia për klubin e Liverpool. “The Reds” rrezikojnë eliminimin nga Carabao Cup! Shkaku? Jurgen Klopp ka aktivizuar një lojtar të papërshtatshëm në takimin e fituar 0-2 kundër MK Dons.
Emri i lojtarit nuk bëhet i ditur (u aktivizuan shumë lojtarë të rinj), ndërsa klubi rrezikon përjashtimin nga ky kompeticion ose një gjobitje të majme. I gjithi është një gabim administrativ.
“Aktualisht po merremi me shqyrtimin e çështjes”, është shprehur një zyrtar i këtij kompeticioni për “The Independent”. Dyshimet janë për një lojtar midis Van Den Berg, Kelleher, Brewster, Kane, Elliot dhe Pedro Chirivella.
Dyshimet janë kundrejt këtij të fundit, pasi lojtari ka hasur probleme gjatë një huazimi më të mëparshëm. 22-vjeçari u huazua në janar te Extremadura dhe nuk është akoma e qartë nëse spanjolli mund të luajë përsëri në ishull. Liverpool pret mbylljen e hetimeve me shpresën për ta kaluar gjithçka me anë të një gjobe. /abcnews.al
