VPresidenti në largim i Ekuadorit, Guillermo Lasso shpalli gjendjen e jashtëzakonshme në vend pas vrasjes së kandidatit për president Fernando Villavicencio.
Dekreti vendos 60 ditë gjendje të jashtëzakonshme në nivel kombëtar dhe parashikon mobilizimin e Forcave të Armatosura në të gjithë territorin, teksa me një dekret tjetër shpalli tre ditë zie kombëtare.
?? ALERTE – Le candidat à la présidence de l'Équateur, Fernando Villavicencio, a été assassiné en pleine rue il y a quelques minutes. (témoins) pic.twitter.com/OTBGy0jeVV
— AlertesInfos (@AlertesInfos) August 10, 2023
“Forcat e Armatosura janë aktualisht të mobilizuara në të gjithë vendin për të garantuar sigurinë e qytetarëve, qetësinë e vendit dhe zgjedhjet e lira dhe demokratike të 20 gushtit”, tha presidenti.
Vrasja e Fernando Villavicencio, kandidat i mazhorancës qeveritare në zgjedhjet e ardhshme presidenciale të Ekuadorit, ka tronditur të gjithë spektrin politik të vendit.
Favoritja absolute në sondazhe, Luisa Gonzalez, kandidate e partisë së ish-presidentit Rafael Correa, shprehu indinjatën e saj duke deklaruar se vdekja e Villavicencio është zi për të gjithë.
Vetë Villavicencio kishte denoncuar disa ditë para sulmit se kishte marrë kërcënime me vdekje nga kreu i një karteli droge i quajtur José Adolfo Macías Villamar, alias “Fito”.
Ai u qëllua me armë pas një takimi elektoral në Kuito, teksa hynte në makinë. Agresori më pas u ekzekutua nga forcat e sigurisë, ndërkohë që në këtë incident mbetën të plagosur dhe 9 persona të tjerë
/abcnews.al
