Lloji EG.5.1, i quajtur gjithashtu Eris, i koronavirusit të ri po përhapet në mbarë botën dhe tashmë është regjistruar në 36 vende, raportoi Jerusalem Post.
Që nga 24 korriku 2023, 2,442 raste të infeksionit Eris janë raportuar në 36 vende të botës, duke përfshirë 18 në Izrael.
Varianti tani është mbizotërues në Britani, ku numri i pacientëve të shtruar në spital me COVID-19 vazhdon të rritet, thanë zyrtarët britanikë të shëndetësisë javën e kaluar.
Sipas Autoritetit të Sigurisë Shëndetësore në Mbretërinë e Bashkuar (UKHSA), mbikëqyrja e variantit EG.5.1 filloi në fillim të korrikut, pas rritjes së raporteve të përhapjes së tij, veçanërisht në Azi. Varianti i koronavirusit të ri u zbulua për herë të parë në mars të këtij viti.
