Flakët përfshinë pyje dhe kullota. Rreth 125 vatra u evidentuan në vendin tonë nga qershori në korrik, 45 prej të cilave vetëm tre ditët e fundit. Bilanci u bë nga drejtori Agjencisë së Mbrojtjes Civile Haki Çako në një takim me prefektë e kryebashkiakë prej të cilëve kërkoi angazhim maksimal.
“Angazhimi maksimal i pushtetit vendor në qark dhe bashki, pasi janë edhe përgjegjësit kryesor që duhet të rezaurojnë të gjithë kapacitetet e tyre në nivel qarku dhe bashkie që janë përgjegjësit kryesor për ruajtjen e territorit të tyre.”
Ministri i Mbrojtjes nuk i kurseu kritikat per kryetaret e bashkive. Peleshi kërkoi vigjilencë të shtuar dhe sinjalizim në kohë.
“Ka edhe bashki, që nuk e kanë parësore punë e emergjencave civile. E quajmë si punë të dorës së dytë. Punësojnë një njeri aty, të cilit shpeshherë nuk ia dinë as emrin. Nëse njoftohet herët nuk ka mundësi, që zjarri të madh përmasa të mëdha. Sa herë që zjarri ka marrë përmasa të mëdha, duhet ta themi se strukturat përgjegjëse nuk ka funksionuar siç duhen”
Mbajtja e kontakteve me kryepleqtë e fshatrave dhe përgatitja e planeve të evakuimit ishin porositë e ministrit të Mbrojtjes për drejtuesit e pushteti vendor. /abcnews.al
