Zhgënjimi në kampin e Milanit është shumë i madh. Humbja në derbi dhe forca e paktë që tregoi ekipi i Giampaolos janë për t’u shqetësuar. Zvonimir Boban i është rikthyer edhe njëherë kësaj situate.
“Zorro” flet thjeshtë dhe atë që mendon në prononcimin e dhënë gjatë ndarjes së çmimeve të më të mirëve nga FIFA. Ekipi duhet të reagojë, gjithashtu edhe trajneri. Koha nuk pret dhe Milani duhet të përmirësohet.
“Duhet të përmirësohemi. Edhe trajneri kërkon një Milan ndryshe dhe më të mirë, kështu që duhet të përmirësohemi në shumë gjëra. Mund t’ia dalim me punë të madhe dhe inteligjencë.
Jemi shumë të zhgënjyer për humbjen e derbit. Shpresojmë që gjërat të shkojnë më mirë në vijim. Do të bëjmë të pamundurën dhe të vazhdojmë punën sa më shpejt të jetë e mundur. Berlusconi? Presidenti ka bërë aq shumë për Milanin sa i lejohet të thotë çfarë të dojë”, përfundon drejtuesi i klubit të “djallit”. /abcnews.al
