Braziliani Oscar prej tre sezonesh luan në Kinë me Shanghai SIPG, klub që e ka blerë mesfushorin për rreth 60 milionë euro. Mesfushori 28-vjeçar është një nga lojtarët më të mirë në kampionat, ndërkohë që edhe shënon gola të rëndësishëm për skuadrën e tij.
Ditën e sotme ai ka realizuar golin e shtatë në kampionat, kundër Henan Jianye. Mesfushori ka ekzekutuar në mënyrë perfekte një goditje dënimi në minutën e 43-të. Topi është devijuar nga shtylla dhe ka përfunduar në rrjetë. / abcnews.al

