Prej disa javësh tashmë, “bavarezët” e Bayern Munich e kanë kthyer “bomberin” anglez, Harry Kane, në objektivin kryesor të merkatos së tyre, teska e kërkojnë me ngulm kapitenin e “tre luanëve” në “Allianz Arena” sezonin e ardhshëm.
Mirëpo, gjërat nuk po shkojnë siç priteshin me bordin e Tottenham, që ka refuzuar dhe ofertën e dytë prej 80 milionë eurosh të “bavarezëve” për sulmuesin e tyre dhe tashmë kërkojnë 140 milionë euro për kartonin e tij.
Për të ardhmen e Kane në “Tottenham Stadium”, ditën e sotme ka folur dhe tekniku i Spurs, Ange Postecoglu, i cili tha se kërkon ta bëjë klubin të suksesshëm e për këtë aryse i nevojitet “ndihma” e Kane në fushën e blertë.
“Unë nuk mendoj se duhet të ulem këtu dhe t’i trajtoj njerëzit në një mënyrë të veçantë për shkak të rrethanave të tyre. Unë i trajtoj të gjithë njësoj.
Harry është tashmë një figurë e rëndësishme në historinë e këtij klubi dhe është një nga lojtarët më të mirë në botë. Dua që ai të luajë këtu, dua ta bëj këtë klub të suksesshëm. Jam i sigurt që edhe ai e dëshiron atë.
Gjatë kësaj bisede nuk do të arrijmë në asnjë mirëkuptim të ndërsjellë. Unë thjesht dua të të njoh. Unë gjithashtu dua të di se çfarë dëshiron ai për ta bërë këtë klub të suksesshëm. Pas kësaj, ne do të dalim në fushën e stërvitjes dhe do ta realizojmë atë”,- u shpreh tekniku i Spurs. /i.m /abcnews.al
