Gjykata e Apelit në Shkodër ka rrëzuar vendimin e Gjykatës së Shkallës së Parë për ekstradimin e Ilir Bajrit. Vendimi u mor nga gjyqtarët Vojsava Kola, Aleks Nikolli dhe Marina Rraboshta, të cilët kthyen rigjykim çështjen me një trup tjetër gjykues.
Apeli i Shkodrës arsyeton se vendimi i Gjykatës së Shkallës së parë është i pazbatueshëm, i marrë në kundërshtim me ligjin procedurial penal dhe si i tillë duhet të dërgohet për rigjykim.
Bajri u arrestua nga policia në kuadër të operacionit OAZ që goditi grupin “Bajri”, në Shtator të vitit të kaluar. Italia kërkon ekstradimin e Ilir (Rustem) Bajrit, vëllait të Safet Bajrit pasi ai rezulton i dënuar me 5.6 vite nga gjykata e Bolonjës për trafikim droge dhe prostitucion./ABC News Albania 24/7
