Rregulloret e UEFA-s janë formale: dy klube të përbashkëta nga i njëjti pronar nuk mund të përfshihen në të njëjtin kompeticion.
Për momentin, 6 klube janë në shqyrtim nga UEFA mbi sponsorizimin e përbashkët. Tre çiftet e klubeve në fjalë janë:
Brighton -Royale Union Saint-Gilloise
Aston Villa – Vitoria Guimaraes
Milan – Toulouse
Vendimi për të tre rastet do të merret në të njëjtën ditë, por nuk duhet të zbulohet menjëherë, derisa dokumentet ligjore të përgatiten plotësisht përpara se të bëhet njoftimi.
Më parë, Leipzig dhe Salzburg ishin në pronësi të kompanisë austriake të pijeve Red Bull, por duheshin bërë ndryshime për të qenë në përputhje me rregulloret e UEFA-s. Pas një hetimi të UEFA-s, këtyre skuadrave u është dhënë leja për të marrë pjesë në kompeticionet evropiane.
Salzburgu vendosi të largonte disa anëtarë të stafit që besohej se kishin lidhje me Red Bull dhe marrëveshja e tyre e bashkëpunimit me Leipzig u ndërpre, duke rezultuar në reduktimin e sponsorizimit.
Megjithatë, UEFA ka shprehur shqetësime në lidhje me pronësinë e shumë klubeve dhe ka paralajmëruar se ekipet e tjera që ndjekin rrugë të ngjashme mund të përballen me sfida në të ardhmen. /G.D abcnews.al/
Burimi: L’Equipe
