Italia është goditur nga një valë e të nxehtit pasditen e djeshme. Mediat vendase shkruajnë se sipas parashikimeve termometri ka shënuar vlerat deri në 40 gradë Celsius.
Sipas parashikimeve meteorologjike, vapa intensive do të zgjasë deri nesër, por tashmë në mbrëmjen e sotme, duke nisur nga rajonet veriore të vendit, priten reshje të dendura shiu.
Ndër të tjera thuhet se termometri ka arritur në 40 gradë në Açraganta në Siçili dhe në Sardenjë, 39 në Bari, 37 në Katania dhe 36 në Romë dhe Leçe në Pulia.
Autoritetet këshilluan të moshuarit dhe qytetarët që vuajnë nga sëmundje kronike të shmangin daljen nga shtëpia, të paktën në orët më të nxehta të ditës. Ndërkohë gjatë fundjavës temperaturat pritet të ulen me 4 deri në 5 gradë në të gjitha zonat e gadishullit italian. /abcnews.al
