Lista Serbe ka kërkuar nga serbët në veriun e Kosovës që të mos sulmojnë forcat e KFOR-it.
Përmes një komunikate, Lista Serbe ka treguar se kanë shkuar te përfaqësuesit e KFOR-it që janë vendosur rreth objektit të Zveçanit, pasi dyshohet për një mjet shpërthyes.
“Pasi mësuan se në media u shfaqën informacione se sonte në drejtim të ushtarëve të KFOR-it në rrethinën e menjëhershme të ndërtesës së komunës së Zveçanit, përfaqësuesit e Listës Serbe menjëherë u nisën në vend dhe në bisedë me përfaqësuesit e KFOR-it në terren morën vesh se ka shumë të ngjarë të ishte një fishekzjarrë. Lista Serbe u bën thirrje qytetarëve që të mos rrezikojnë sigurinë e ushtarëve të Kforit, sepse secili që e bën atë punon kundër interesave të popullit serb”, thuhet në njoftim.
Që nga 26 maji, në veri të Kosovës janë rritur tensionet, pasi po atë ditë, krerët e rinj të Zveçanit, Leposaviçit dhe Zubin Potokut u futën në ndërtesat komunale nën përcjelljen e Policisë së Kosovës.
