Ministri i Punëve të Brendshme, Xhelal Sveçla, ka reaguar të premten pas deklaratave qortuese nga Departamenti Amerikan i Shtetit.
Sipas ministrit Sveçla etiketimi i veprimeve të ligjshme të policisë si “të dhunshme” dhe operacionit të saj si “dhunë”, është “ftesë” për Radojçiqin për të sulmuar policët e Kosovës.
“Cilësimi i veprimeve të ligjshme dhe të civilizuara të Policisë së Kosovës si ‘të dhunshme’ dhe operacionit të saj të zbatimit të ligjit si ‘dhunë’ është një ‘ftesë’ për Milan Radojçiçin e futur në listën e zezë të SHBA-së për të komanduar mashtruesit e tij për të sulmuar policët e Kosovës”, ka shkruar Sveçla në Twitter.
Ai ka thënë se keqinterpretimi i realitetit në këtë situatë mund të rezultojë me kosto njerëzore.
/KosovaPress/
