Marrëdhëniet politike midis Hungarisë dhe Suedisë duhet të përmirësohen përpara se të miratohet oferta e shtetit nordik për anëtarësimin në NATO, tha të martën kryeministri hungarez Viktor Orban në Forumin Ekonomik të Katarit.
“Marrëdhëniet politike midis Hungarisë dhe Suedisë janë në rrugën e gabuar,” tha ai. “Ne nuk duam të mbartim konflikte në NATO”.
Hungaria ratifikoi hyrjen e Finlandës në aleancë në mars, por nuk mori të njëjtin vendim për Suedinë.
“Disa deputetë hungarezë ndihen të pakënaqur sepse kanë parë se si ministrat suedezë e kanë bërë tashmë zakon të vënë në pikëpyetje demokracinë në Hungari. Ata kanë fyer vazhdimisht votuesit dhe politikanët hungarezë dhe si rrjedhim gjithë Hungarinë,” tha një nga këshilltarët e Orban.
/abcnews.al
