Britania e Madhe po u ofron para disa të burgosurve shqiptarë në Mbretërinë e Bashkuar në shkëmbim të largimit nga Britania e Madhe. 1 mijë e 500 funta është shifra monetare për rikthim në Shqipëri, ku tashmë edhe fluturimet për një gjë të tillë janë rritur, pas marrëveshjes mes dy vendeve dhjetorin e kaluar për të frenuar dhe penguar migrimin e paligjshëm.
BBC shkruan se ka folur me dhjetëra njerëz në disa prej këtyre fluturimeve dhe zbuloi se shumica vinin nga burgjet e Mbretërisë së Bashkuar. Një burrë rreth 30-vjeçar i ka thënë se atij iu ofruan 1 mijë e 500 funte për t’u kthyer në shtëpi, sipas një programi të veçantë të quajtur Skema e Kthimit të Lehtësuar.
“Oficeri i emigracionit erdhi të na takojë. Ata pyesin nëse doni të ktheheni [në Shqipëri] apo të qëndroni në MB. Ata shpjeguan se nëse ktheheni, ju heqin një vit nga dënimi”, tha ai.
