Pas shumë muajsh thatësire dhe ndërsa vapa e kishte bërë këtë pranverë të ndjehej si verë, sot ra borë në zona të Spanjës veriore.
Reshjet e pazakonta të borës për këtë sezon ranë në La Raya, një rajon malor në provincën e Asturias.
Breshëri dhe shiu i dendur goditi rajonet mesdhetare të Spanjës, si Katalonja dhe Valencia, ku prej muajsh nuk kishte rënë asnjë pikë.
Që nga fillimi i vitit, Spanja ka përjetuar dimrin më të thatë në histori. Sipas shërbimit meteorologjik AEMET, gjatë katër muajve të parë të vitit 2023 sasia e shiut që ka rënë ka qenë më pak se gjysma e asaj që regjistrohet zakonisht.
Deri tani Spanja ka përjetuar 11 ditë me temperatura më të larta se zakonisht për sezonin, dhe ky numër tashmë është më shumë se dyfishi i ditëve me temperatura jashtëzakonisht të larta të regjistruara në baza vjetore. /abcnews.al
