Një video tronditëse është publikuar nga autoritetet e policisë amerikane të asaj që ndodhi brenda një shtëpie në Nju Jork në prill 2022, kur 34-vjeçarja Jamie Faith u qëllua dhe u vra nga oficerët kur ajo nxori një thikë.
Ngjarja ndodhi në 29 prill 2022, pasi policia u njoftua për një incident të dhunës në familje. Kur policia ka mbërritur në vendin ku jetonte 34-vjeçarja me partnerin dhe tre fëmijët e tyre të vegjël, situata u përkeqësua edhe më shumë.
#NY
*potentially disturbing*
“Jamie Feith appeared to draw a knife on police officers responding to a domestic dispute at a home in this Dutchess County town before a Hyde Park police officer shot and killed her last April, body cam footage released Tuesday […] shows.” pic.twitter.com/9UOW5IHK9H
— Shane B. Murphy (@shanermurph) May 12, 2023
Por situata ndryshoi menjëherë, kur policët Joshua Kemlage dhe Christopher Miller po bisedonin me 34-vjeçaren, Faith, duket se kjo e fundit ka tentuar papritur të sulmojë efektivët me thikë.
“Thikë, thikë” dëgjohet duke bërtitur një nga efektivët e policisë, ndërsa njëkohësisht i bën thirrje 34-vjeçares të hedhë thikën. Mirëpo, kur 34-vjeçarja duket se nuk i bindet, dëgjohet një nga policët duke bërtitur “qëllo”.
Më pas Kemlage qëllon katër herë dhe 34-vjeçarja rrëzohet në tokë e vdekur, me partnerin e saj duke bërtitur “mos e qëllo”.
“Çfarë bëre, çfarë bëre, largohu prej saj”, dëgjohet duke thënë partneri i 34-vjeçares teksa i lutet policisë që të mos e vrasin.
Vazhdojnë hetimet për rastin dhe rrethanat në të cilat 34-vjeçarja u qëllua për vdekje nga të shtënat e policëve.
/abcnews.al
