Pas shpalljes kampion të “bluve” të Napolit, tekniku i këtyre të fundit, Luciano Spalletti ka dhënë një intervistë për mediat italiane pas fitores së titullit.
Gjatë intervistës, Spalletti theksoi se besoi te triumfi, ndërsa më tej shtoi se edhe nëse nuk do ia kishin dalë të siguronin titullin ishte i kënaqur me rrugëtimin e bërë.
“Titulli i Napolit është një ngjarje historike. Një ngjarje nga e cila të gjithë të brendshëm ose jo përfitojnë, në përgjithësi i gjithë futbolli ynë. Nuk pushova asnjë moment së besuari te triumfi, por edhe sikur të mos e kisha fituar do të isha i kënaqur me rrugëtimin.
U ndjeva i pushtuar nga ndjenjat e tifozëve të Napolit, në këtë moment ndihem i kënaqur, i lumtur, i qetë që u kam dhënë kaq shumë lumturi tifozëve të Napolit. Kjo është lumturia e vërtetë, të kesh bërë kaq shumë njerëz të lumtur, duke u dhënë gëzim të gjithë atyre që e duan Napolin”,- deklaroi Spalletti. /i.m /abcnews.al
