Sot do të luhen të gjitha sfidat e mbetura të çerekfinaleve të turneun Europa League dhe Conference League.
Roma do të presë në “Olimpico” holandezët e Feyenoord. Kjo përballje pritet të jetë shumë e nxehtë, duke marrë parasysh edhe situatën e ndërlikuar mes tifozerive përkatëse. Në përballjen e parë, holandezët fituan në shtëpi me rezultatin minimal 1-0, dhe sot Roma do të tentojë të realizojë një përmbysje dhe të shkojë në gjysmëfinalet.
Leverkusen do të jetë mike në fushën e Royale Union. Gjermanët befasuan në shtëpi pasi përfunduan 90 minutat me një barazim 1-1. Në letër, Leverkusen është favorit për të mundësuar biletën e gjysmëfinaleve, por asnjëherë nuk i dihet.
Një ndeshje shumë e bukur do të luhet sot në Spanjë, ku Sevilla do të jetë “zonjë” shtëpie ndaj Manchester United. Në “Old Trafford”, akti i parë përfundoi në barazimin 2-2. Anglezët u befasuan në shtëpi pasi ishin duke kryesuar me shifrat 2-0, por dy autogola i dhanë Sevilla shpresën për të lënë gjithcka të hapur në përballjen e dytë.
E fundit por jo më pak e rëndësishmja, do të jetë sfida mes Sporting dhe Juventus. Në Torino, italianët fituan me shifrat minimale 1-0. Sot në mbrëmje në Portugali nuk do të jetë shumë e thjeshtë për ta, duke kujtuar se Sporting eliminoi nga ky kompeticion Arsenalin e fuqishëm.
Të gjitha këto sfida të Europa League do të luhen në mbrëmje, në orën 21:00.
Në Conference League, ka gjithashtu disa ndeshje tepër interesante.
Holandezët e AZ Alkmaar do të presin në shtëpi belgët e Anderlecht. Sfidën e parë, në Belgjikë, Anderlecht e fitoi me rezultatin 0-2. AZ Alkmaar në fakt mendohej se do të ishte një kockë e fortë në këtë përballje të parë, por belgët triumfuan në shtëpi. Sot do të jetë një sfidë shumë e bukur, pasi holandezët kurrësesi nuk do të dorëzohen.
Fiorentina luan sot në Firence ndaj Lech Poznan. “La Viola” vjen në kët sfidë sot pas një fitoreje të thellë ndeshjen e parë me shifrat 1-4. Fiorentina ka bërë një rrugëtim fantastik deri më tani dhe konsiderohen si pretendete për ta fituar këtë kompeticion.
Nice do të përballet në Francë ndaj Baselit. Një ndeshje tepër e bukur dhe me shumë emocione pritet sot pasi të dyja skuadrat aktin e parë u ndanë me një barazim 2-2. Edhe pse Nice konsiderohet si favorite, Basel tregoi se nuk është një skuadër e thjeshtë për t’u përballur.
Sfida e fundit për këtë kompeticion ditën e sotme do të jetë ajo mes West Ham dhe Gent. Në këtë përballje e cila do të luhet në Angli gjithçka është e hapur, pasi përballje e para përfundoi në barazimin 1-1.
Në Conference League, dy sfidat e para do të luhen në orën 18:45, ndërsa dy të tjerat në orën 21:00./ h.ll/abcnews./al
