Portieri i Juventusit, Wojciech Szczesny, dha një intervistë gjatë së cilës u pyet nëse do të punonte në televizion pas karrierës së tij si komentator apo ekspert.
Duke iu përgjigjur një pyetjeje, portieri polak ka kujtuar këshillat e ish-lojtarit të Juventusit, Cristiano Ronaldo.
“E ardhmja në TV? Unë ju respektoj, por jo, definitivisht jo. Një miku im që aktualisht luan në Arabinë Saudite më tha një herë se është e rëndësishme të qëndrosh në futboll sa më shumë që të jetë e mundur në mënyrë që të fitosh mjaftueshëm për të shmangur të qenit në TV kur të tërhiqesh”. /G.D abcnews.al/
