Pak orë më parë një aksident i rëndë ndodhi në “Unazën e Re”, ku shtetasi me iniciale P.M duke drejtuar automjetin përplasi për vdekje një këmbësor ende të paidentifikuar, i cili i preu rrugën.
LEXO EDHE: VIDEO/ Aksident me vdekje në Tiranë, pamje nga vendi i ngjarjes
ABC News ka siguruar pamjet e aksidentit, teksa shihet qartë që këmbësori ka tentuar të kalojë rrugën nga bordura me nxitim, por automjeti ka ardhur me shpejtësi, duke e pasur të pamundur të ndalojë dhe e ka marrë përpara.
Duke parë zonën, pak metra nga vendi i ngjarjes janë vijat e bardha dhe semaforët ku duhet të kalojnë normalisht këmbësorët.
Kujtojmë që ky nuk është aksidenti parë që shkaktohet për shkak të neglizhencës që këmbësorët i bëjnë vijave të bardha dhe semaforëve.
Njoftimi i policisë:
Tiranë/ Informacion paraprakMë datë 02.04.2023 rreth orës 19:20, në Unazë të Re, shtetasi P. M., duke drejtuar automjetin e tij ka aksidentuar një shtetas, ende të paidentifikuar, i cili si pasojë e aksidentit ka ndërruar jetë në vendngjarje.
Grupi hetimor ndodhet në vendngjarje dhe po punon për identifikimin e viktimës dhe sqarimin e rrethanave te aksidentit.r.t/abcnews.al
