Një ngjarje e rëndë ka ndodhur në një familje shqiptare që jetonte prej vitesh në Terni të Italisë. Mediat italiane bëjnë me dije se një 62 vjeçar ka vrarë me thikë bashkëshorten e tij 56 vjeç.
Viktima e kësaj ngjarje është shtetasja Zenepe Uruci, dhe autori i ngjarjes bashkëshorti i saj Xhaferr Uruci është vënë në prangat e policisë.
Sipas informacioneve mësohet se të dy ishin martuar kur ishin të vegjël në Shqipëri, por jetonin prej vitesh në Terni.
Ato kishin një dyqan peshku në zonën ku jetonin. I pari që ka mbërritur në vendin e ngjarjes ka qenë djali i çiftit, i cili dyshohet se ka marrë një telefonat nga prindërit dhe ka dëgjuar britmat e nënës së tij.
Menjëherë sapo ka mbyllur telefonin ai ka marrë në telefon policinë dhe motrën e tij pasi ka kuptuar se në banesë po ndodhte diçka, por fatkeqësisht mbërritja e forcave të policisë ka qenë shumë vonë për 56 vjeçaren e cila kishte ndërruar jetë.
Ndër të tjera nga mediat bëhet me dije se shkak për këtë krim brenda familjes të jetë bërë xhelozia. /abcnews.al
