President i Republikës ka rikthyer në Kuvend një tjetër ligj: atë “Për Akademinë e Shkencave të Republikës së Shqipërisë”
Ne argumentet e Ilir Metës, thuhet se ky ligj: bie ndesh me parashikimet e Kushtetutës së Republikës së Shqipërisë; cenon autonominë e institucioneve të arsimit të lartë; cenon kompetencat e Presidentit të Republikës; nuk është në harmoni me kuadrin ligjor ekzistues në Republikën e Shqipërisë.
Një prej pikave të ndalura gjatë nga kreu i shtetit, është kreu i Akademisë. Meta thotë se : Presidenti i Republikës është organi i emërtesës për emërimin e Kryetarit të Akademisë së Shkencave dhe kjo kompetencë e Kreut të Shtetit kurrsesi nuk mund të derivohet dhe as të kufizohet në një vendimmarrje të dytë të ndonjë institucioni apo organi tjetër kushdo qoftë ai.
