Në më pak se 1 orë në arenën “Estadio La Rosaleda”, të Malagas, vendasit spanjollë do të presin “vikingët” e Norvegjisë, në aktin e parë të kualifikueseve drejt Kampionatit evropian të futbollit, Euro 2024.
Në debutimin e tim me “të kuqtë”, tekniku Luis de la Fuente ka përzgjedhur formacionin 4-2-3-1, ku në portë si titullar është rikthyer Kepa Arrizabalaga. Mbrojtja me katër plotësohet nga Carvajal, Nacho Fernandez, Laporte dhe Balde. Më të tërhequr në mesfushë janë Rodri dhe Mikel Merino, ndërsa krijimin e ofensivave sulmuese tekniku De la Fuente ja ka besuar treshes Dani Olmo, Iago Aspas e Gavi, të cilët do të mbështesin kapitenin Alvaro Morata të vetëm në majën e sulmit.
Në krahun tjetër, tekniku Stale Solbakken ka vendosur t’i kundërpërgjigjet “la rojas” me formacionin 4-3-3, ku në portë është vendosur veterani Nyland e para tij në mbrojtje Meling, Ostigard, Strandberd e Pedersen. “Dirigjimin” e lojës në mesfushë tekniku Solbakken ja ka besuar treshes Aursens-Berg-Odegaard, ndërsa “tridenti” i sulmit do të plotësohet nga Berge, Elyounoussi dhe Sorloth. /i.m /abcnews.al
FORMACIONET ZYRTARE:
