Presidenti i Kinës, Xi Jinping, ka mbërritur në Moskë në vizitën e tij të parë në Rusi nw 4 vite. Vizita shtetërore e bën udhëheqësin kinez liderin e parë botëror që takohet me Vladimir Putin që kur Gjykata Ndërkombëtare Penale (ICC) në Hagë lëshoi një urdhër arresti për presidentin rus.
Dyshja janë planifikuar të kenë bisedime jozyrtare të hënën, me negociata më formale që do të pasojnë.
Të dy krerët pritet të nënshkruajnë deklarata të përbashkëta.
“Kina dhe Rusia janë fqinjë të mirë dhe partnerë të besueshëm, tha Xi Jinping pas mbërritjes së tij në Moskë për një vizitë shtetërore.
Ai vuri në dukje se Kina është e gatshme, së bashku me Rusinë, të ruajë rendin botëror bazuar në të drejtën ndërkombëtare. Presidenti kinez pret që vizita në Rusi t’i japë një shtysë të re zhvillimit të marrëdhënieve ruso-kineze dhe bashkëpunimit strategjik.
Putini lavdëroi më parë “mikun e mirë të vjetër” Xi në një artikull gazete të botuar në Kinë në prag të vizitës.
Në një artikull të botuar të dielën, Putin mirëpriti gatishmërinë e Kinës për të luajtur atë që ai e karakterizoi si një “rol konstruktiv” në zgjidhjen e krizës në Ukrainë .
Xi nga ana e tij, bëri thirrje për “pragmatizëm” për Ukrainën. Ai tha se propozimi i Kinës, një plan 12-pikësh i publikuar muajin e kaluar dhe qw wshtw poshtw kryesisht nga Perwndimi, përfaqëson “unitetin e pikëpamjeve të komunitetit botëror”.
/abcnews.al
