Presidenti i Lituanisë, Gitanas Nauseda thotë se Kina po mbështet Rusinë në luftën e saj me Ukrainën, pavarësisht përpjekjes për të vepruar si një ndërmjetëse neutrale e paqes.
Nauseda tha se Pekini ka një rol të rëndësishëm në konfliktin e Ukrainës dhe duhet të qëndrojë në anën e duhur të historisë.
“Për fat të keq, unë shoh se qëllimi i Kinës është të vazhdojë këtë luftë, ta bëjë këtë luftë edhe më të përgjakshme dhe në një situatë të tillë që Kina të jetë në formën e fshehur apo të hapur duke mbështetur Rusinë”, theksoi lideri lituanez.
“Është shumë e vështirë, të besosh se Kina mund të luajë rolin e ndërmjetësit midis dy vendeve. Ajo të paktën duhet të jetë neutrale”, shtoi ai./abcnews.al
