Partia qeverisëse e Gjeorgjisë ka njoftuar se do të heqë dorë nga një projekt-ligj të diskutueshëm për “agjentët e huaj” pas dy netësh protestash të mëdha në Tbilisi për shkak të frikës se do të krijonte një ngërç midis kombit kaukazian dhe Europës.
Njoftimi u bë disa orë publik pasi dhjetëra mijëra njerëz u mblodhën jashtë parlamentit të Gjeorgjisë në natën e dytë të protestave, disa u përplasën me policinë.
Protestuesit mund të shiheshin duke valëvitur flamurin e Bashkimit Europian, ku Gjeorgjia aplikoi për t’u bashkuar vitin e kaluar dhe atë të Shteteve të Bashkuara dhe Ukrainës, si dhe flamurin gjeorgjian.
Legjislacioni i diskutueshëm do të kërkonte që organizatat që marrin 20% ose më shumë të të ardhurave të tyre vjetore nga jashtë të regjistroheshin si “agjentë të huaj” ose të përballeshin me gjoba të rënda një propozim që ekspertët e të drejtave paralajmërojnë se do të sjellë një efekt negative për shoqërinë civile në vend dhe do ta dëmtojë demokracinë.
Kritikët thanë se është një ligj i ngjashëm i përdorur nga Rusia për të shtypur disidencën dhe opozitën politike dhe njoftimi për të hequr dorë nga projektligji u mirëprit nga zyra e Bashkimit Europian në ish-Republikën Sovjetike.
“Ne inkurajojmë të gjithë liderët politikë në Gjeorgji që të rifillojnë reformat pro-BE, në një mënyrë gjithëpërfshirëse dhe konstruktive”, shkroi zyra në llogarinë e saj zyrtare në Twitter.
/abcnews.al
