“E kam për turp të jesh këtu”, Balla merr fjalën në Kuvend, demokratët bllokojnë foltoren

TIRANË- I njëjti skenar është përsëritur edhe këtë të enjte ne Kuvend, nga demokratët. Ndërsa kreu i grupit parlamentar të PS, Taulant Balla mori fjalën ne seancë, deputetët demokratë bllokuan foltoren, ndërsa garda nxitoi ta rrethojë atë.

Në fjalën e tij Balla iu përgjigj kërkesës së demokratëve për interpelancë me kryeministrin, ndërsa shtoi se kreu i qeverisë ndodhet ne Japoni. Ai tha se Kuvendi ka marrë një vendim dhe në datën 2 mars do ketë debat për “Mc Gonigal”.Replika nga foltorja Balla shkëmbeu me deputeten demokrate Albana Vokshi.

“E kam për turp të jesh këtu. Foltorja është e të gjithëve, nuk është vetëm e juaja. Kuvendi i Shqipërisë, në lidhje me mocionin me debat ka marrë vendim dhe vendimi është në konsultim edhe me zyrën e kryeministrit, i cili ka garantuar se do jetë prezent në datën 2 mars. Më duket e papranueshme që ju kërkoni që debati të bëhet sot, kur dihet se sot kryeministri është në Japoni.”, tha Balla.

Sipas Ballës, opozita duhet të heqë dorë nga aktet e bllokimit të punimeve në Kuvend. Ai kërkoi nga deputetët që problemet e brendshme të PD të mos i sjellin në Kuvend.

“Pas datës 3 nuk do jeni kështu, se gjykata do marrë vendim. Problemet e brendshme të partisë mos i sillni në seancën plenare”, tha Balla/abcnews.al

Mos rri jashtë: bashkohu me ABC News. Ne jemi kudo!