Kur një makinë e trajnuar mund të shkruajë mirë një punim shkencor dhe të argumentojë për të, atëherë lindin kërcënime dhe pyetje shumë serioze.
Inteligjenca artificiale po bën depërtime dhe po e transformon botën tonë me shpejtësi marramendëse. Në një raport të gjerë, Guardian dokumenton ndikimet e mundshme sipas sektorëve. Para disa ditësh, dy nga kompanitë më të mëdha të teknologjisë në botë (Microsoft, Google) njoftuan planet për përmirësimin e kërkimit me inteligjencën artificiale, duke nisur një garë të ashpër për epërsi në këtë hapësirë.
Tashmë, shumë prodhues të ushqimit po përdorin inteligjencën artificiale për të mbledhur dhe analizuar të dhëna në përpjekjet e tyre për të përmirësuar produktivitetin dhe përfitimin. Ata monitorojnë motin, menaxhojnë sëmundjet, hetojnë nevojën për ujitje shtesë nsaj fruta/perimeve apo edhe çfarë agrumesh rriten dhe ku. Për më tepër, robotë me katër krahë po projektohen për të vjeljë fruta.
Në industrinë e medias, po mësohen makineri për të nxitur abonimet dhe të ardhurat nga reklamat, por edhe për të marrë vendime se cilat produkte të promovohen. Organizatat e lajmeve po punësojnë shkencëtarë të të dhënave me paga të larta për të udhëzuar klientët drejt produkteve specifike. Jane Barrett, kryeredaktore e lajmeve ndërkombëtare në njësinë e strategjisë së mediave të Reuters, thekson se inteligjenca artificiale “do të na ndihmojë t’i ofrojmë saktësisht përmbajtjen e duhur personit të duhur”.
Grupet e furnizimit me energji, raporton Guardian, parashikojnë që inteligjenca artificiale të luajë një rol qendror në “rrjetet inteligjente” të së ardhmes, duke mundësuar që oferta dhe kërkesa të harmonizohen më nga afër, me një gjeneratë të re pajisjesh nga njehsorët inteligjentë dhe automjetet elektrike te kolektorët diellorë dhe pompat e nxehtësisë, të aftë për të përmirësuar efikasitetin.
Punët për inxhinierë, vëzhgues dhe analistë të furnizimit janë më të rrezikuara. Në prodhim, veteranët e industrisë e dinë shumë mirë se si automatizimi mund të përfshijë një industri. Në vitin 2019, Zyra për Statistikat Kombëtare të Mbretërisë së Bashkuar parashikoi se gati 2/3 e operatorëve të makinerive të përpunimit të metaleve janë në rrezik.
Megjithatë, rritja e shpejtë e inteligjencës artificiale gjenetike sugjeron se nuk do të jenë vetëm njerëzit në linjat e fabrikës që do të preken. AI gjenetike tashmë po përdoret për të dizajnuar produkte shumë më shpejt, për t’i testuar ato praktikisht si një “binjak dixhital” dhe për t’i prodhuar ato me shpejtësi.
E kombinuar me risitë si printimi 3D, kjo mund të zvogëlojë në mënyrë dramatike kostot e zhvillimit dhe të kërkojë më pak inxhinierë në hapësirën ajrore, automobilistikë dhe elektronikë. Në transport, shoferët me shumë mund e kanë mbajtur vendin e tyre të punës që kur u testuan trenat e parë pa shofer. Por, një raport i vitit 2021 nga PwC parashikon se proporcionalisht humbjet më të mëdha të vendeve të punës gjatë 20 viteve të ardhshme do të jenë në sektorin e transportit. /abcnews.al
