Gjuha e urrejtjes dhe bullizmi janë format kryesore të dhunës ndaj fëmijëve, adoleshentëve dhe të rinjve përmes rrjeteve sociale në Shqipëri.
670 ankesa janë raportuar në platformën kombëtare për sigurinë në internet, i sigurt.al, vitin e shkuar. Viktimat janë kryesisht vajza ndërsa mosha varjon nga 15 në 30 vjeç.
Tik Toku është rrjeti social kryesor ku fëmijët dhe të rinjtë raportojnë pjesën më të madhe të incidenteve online. Ndiqet nga instagrami dhe facebooku.
Sipas platformës i sigurt.al çdo dy ditë një fëmijë apo i rritur në Shqipëri raporton internet të pasigurt ndërkohë që rritja e përdoruesve e ka kthyer internetin në një prej mediumeve më të rëndësishme për të komunikuar, mësuar apo shkëmbyer informacion.
