Është hedhur sot shorti në selinë e UEFA-s në Nion të Zvicrës, ku janë përcaktuar 9 grupet përbërëse të kualifikueseve të Kampionatit Europian 2025 për grupmoshat U-21.
Shqipëria është pozicionuar në grupin E dhe kundërshtarët do të jenë Rumania, Zvicra, Finlanda, Mali i Zi dhe Armenia.
Sipas kalendarit të UEFA-s, ndeshjet e fazës kualifikuese të Europianit U-21 do të nisin në datën 20 mars 2023 dhe do të përfundojnë në 15 tetor 2024.
Përfaqësuesit e FSHF-së do të diskutojnë me homologët e tyre të grupit E për të caktuar dhe vendosur datat, oraret dhe vendet ku do të luhen ndeshjet e grupit.
Shqipëria U-21, e drejtuar nga trajneri Alban Bushi, do të synojë të kualifikohet për herë të parë në fazën finale të këtij turneu, që do të luhet në vitin 2025 në Sllovaki./h.ll/abcnews.al
