Zërat për largimin e Memphis Depay nga Barcelona në merkaton e janarit vazhdojnë me sulmuesin holandez që nuk është në planet kryesore të Xavit dhe bën gjithçka që mundet për t’u larguar nga katalanasit.
Siç raportojnë mediat e ndryshme spanjolle, 28-vjeçari nuk është paraqitur në stërvitjen e sotme duke krijuar shumë pakënaqësi te njerëzit e skuadrës së tij.
Depay ka bërë vetëm katër paraqitje këtë sezon dhe vazhdon të mos përzgjidhet nga Xavi pavarësisht se është i aftë dhe ka startuar për Holandën në Kupën e Botës në Katar.
“Do të flas me Depay për të zgjidhur çështjen dhe për të kuptuar saktësisht se çfarë dëshiron. Unë e numëroj atë normalisht. Situata nuk është e lehtë për të, është gjithmonë e vështirë kur nuk luan shumë. Nëse ai më thotë qartë se dëshiron të largohet, ne do të kërkojmë të gjejmë zgjidhjen më të mirë”, tha Xavi, ndërsa Atletico Madrid është shumë i interesuar për blerjen e tij. /G.D abcnews.al/
