Në emisionin “Ballkan” të gazetares, Linda Karadaku në ABC News është diskutuar për aksion e Partisë Socialdemokrate të Kosovës para qeverisë. E ftuar në një lidhje Skype ishte Teuta Rrusta, e cila u shpreh se Albin Kurti është duke e përdorur figurën e Oliver Ivanoviç për qëllime politike.
Rrusta tha se Ivanoviç njihet si një kriminel lufte. Më pas ajo shtoi se në luftën me Serbinë, kryeministri Kurti e përdor si kriminel dhe kur i duhet si një promovues të vlerave.
E pyetur nga gazetarja, se si ka mundësi edhe pse kanë dalë kaq shumë gjëra rreth Lëvizjes Vetëvendosje, kjo parti vazhdon të mbajë ende shumicën, Rrusta u përgjigj se është çështja kohe.
“Kjo është e vërtetë, ne kemi një handikap pasi nuk jemi prezent në parlament. Me anë të deklaratave dhe aksioneve kemi arritur të bashkëbisedojmë me qytetarët.
Mendoj që partitë opozitare janë duke e përdorur atë pushtet minimalisht, në mënyrë pasive dhe janë vetëm në idenë e anti-korrupsionit, mirëpo kjo është e pamjaftueshme, por të rreziku që ka me gjithë këto votues pas duke krijuar kështu imunitet.
LVV ka depërtuar thellë te qytetari, më tepër janë duke i besuar si mënyrë për mos i lënë forcat e kaluara me u kthy se sa një forcë progresive.
Eshtë edhe elementi kohë. Gjendja nuk ka ndryshuar dhe kërkohet kohë që kjo të shikohet nga qytetarët”, tha ndër të tjera Rrusta.r.t/abcnews.al
