Ditën e djeshme, Liverpooli kompletoi përfundimisht transferimin e Cody Gakpo, duke e regjistruar atë në Premier League. Këtë ngjarje e ka bërë të ditur klubi duke lëshuar një deklaratë zyrtare, ku ndër të tjera thuhet se kur do të debutojë.
Cody Gakpo i është bashkuar zyrtarisht Liverpoolit pasi të martën përfunduan me sukses formalitetet për transferimin e tij nga PSV Eindhoven.
23-vjeçari tashmë është regjistruar zyrtarisht dhe mund të fillojë të punojë në klubin e tij të ri.
Lojtari holandez tani mund të marrë pjesë në ndeshjen e së shtunës në FA Cup kundër Wolves në Anfield.
Më parë, supozohej se ai mund të luante kundër Brentford, por nuk ndodhi.
Liverpool do të përballet me Wolverhampton më 7 janar, ku mesa duket do të zhvillohet debutimi i Cody. /G.D abcnews.al/
