Analisti Bekim Blakaj në një lidhje me emisionin “Ballkan” në Abc të gazetares Linda Karadaku, ka komentuar situatën në veri të Kosovës.
Blakaj theksoi se serbët në veri të Kosovës janë nën kontrollin e Beogradit.
“Që prej periudhës së pasluftës serbët e Kosovës kontrollohen nga Beogradi, pavarësisht përpjekjeve të bëra për një shkëputje nga ana e serbëve lokalë, kjo ka qenë e pamundur”, u shpreh Blakaj.
I pyetur nga gazetarja Karadaku se a ka dalë jashtë kontrollit të shtetit të Kosovës veriu, Blakaj tha se ka frikë se po, pasi edhe mjetet nga rruga janë hequr nga persona të panjohur dhe të maskuar.
“Kam frikë se situata ka dalë jashtë kontrollit të shtetit. Po ta vini re, mjetet e tonazhit të rëndë janë hequr nga rruga nga persona të maskuar”, tha Blakaj.
/Abcnews.al/
