Mbi 30 të vrarë nga sulmet turke në veri të Sirisë, reagojnë kurdët: Do të përgjigjemi

Sulmet  turke në Sirinë veriore kanë vrarë të paktën 31 persona , kryesisht luftëtarë kurdë dhe ushtarë sirianë, sipas të dhënave të fundit nga Observatori Sirian për të Drejtat e Njeriut.

Sulmet ajrore të nisura të shtunën vonë në mbrëmje dhe para agimit të sotëm nga ushtria turke në provincat Raqqa dhe Hasakeh (verilindore) dhe Aleppo (në veri) kushtuan jetën e 18 luftëtarëve kurdë dhe anëtarëve të forcave aleate lokale, 12 ushtarëve sirianë si dhe një civil, tha Observatori, i cili ka një rrjet të gjerë burimesh në Sirinë e shkatërruar nga lufta. 40 persona u plagosën gjithashtu.

Lexo edhe: “Ora e llogaridhënies ka mbërritur”, Turqia nis sulmet ajrore ndaj objektivave kurde në Irak dhe Siri

Forcat siriane të udhëhequra nga kurdët, përkatësisht Forcat Demokratike Siriane (SDF) të mbështetura nga SHBA, të udhëhequra nga milicia e Njësive të Mbrojtjes së Popullit (YPG), thanë se do të hakmerreshin kundër sulmeve turke.

? Cumhurbaşkanı Erdoğan, Irak’ın ve Suriye’nin kuzeyinde bulunan ve teröristler tarafından üs olarak kullanılan bölgelere yönelik “Pençe-Kılıç Hava Harekatı”nın emrini verdi

? Cumhurbaşkanı Erdoğan, Milli Savunma Bakanı Hulusi Akar’dan harekata ilişkin bilgi aldı pic.twitter.com/xeyl8HTIdD

— ANADOLU AJANSI (@anadoluajansi) November 20, 2022

Ndërkohë, një ushtar turk dhe dy policë u plagosën nga një raketë e lëshuar nga territori sirian të dielën në provincën Kilis të Turqisë, në kufirin me Sirinë, njoftoi agjencia shtetërore e lajmeve Anadolu.

Sipas Anadolu, raketa ra pranë një poste kufitare, por nuk dha detaje të tjera. Më herët, Forcat Demokratike Siriane të udhëhequra nga kurdët thanë se do të hakmerren kundër sulmeve ajrore të nisura nga Turqia sot./abcnews.al/