Sezoni i 5-të i serialit të Netflix “Crown” paraqet shumë nga ngjarjet më të përfolura që lanë në hije familjen mbretërore britanike. Një prej tyre është telefonata famëkeqe romantike e princit të atëhershëm Charles me Camilla Parker Bowles, kur ai ishte ende i martuar me Princeshën Diana.
Anëtarët e familjes mbretërore janë përplasur disa herë me produksionin e Netflix për shkak të shumë momenteve private dhe ndoshta kjo do të jetë një arsye tjetër për një përçarje të re. “Tampongate ”, siç e quajti shtypi i huaj bisedën erotike të mbretit Charles me gruan e tij tashmë, është sërish në lajm.
Për këtë arsye botimet e huaja po shqyrtojnë faktet për romancën mes tyre.
A ishte telefonata e vërtetë?
Biseda telefonike mes Charles dhe Camilla është një ngjarje e vërtetë dhe u zhvillua më 17 dhjetor 1989, kur të dy ishin ende të martuar me bashkëshortët e tyre të atëhershëm – Camilla dhe ish-burri i saj Andrew Parker Bowles filluan të jetonin të ndarë në 1993, përpara se të divorcoheshin në 1995.
Telefonata e tyre e regjistruar u publikua në vitin 1993. Në atë kohë qarkullonin thashethemet se Camilla dhe Charles kishin një marrëdhënie afatgjatë. Madje dhe Princesha Diana e kishte akuzuar Charles-in për tradhti. “Tampongate” konfirmoi jo vetëm se ata ishin në një lidhje, por edhe shumë të dashuruar.
Miqtë e Charles dinin për marrëdhënien e tyre
Telefonata vërtetoi gjithashtu se të gjithë miqtë e Charles jo vetëm e dinin rastin, por edhe po i ndihmonin. Gjatë telefonatës, Charles dhe Camilla diskutuan shtëpinë e një miku që do ta përdornin për takimin e tyre të ardhshëm, duke implikuar disa nga të njohurit e tyre në fshehjen e marrëdhënies jo shumë sekrete nga Diana.
Charles më vonë pranoi në një dokumentar të vitit 1994 për jetën e tij se ai e kishte tradhtuar Dianën. Megjithatë, ai pretendoi se e bëri këtë vetëm pasi marrëdhënia e tyre ishte “ndërprerë në mënyrë të pakthyeshme”.
Kush e regjistroi telefonatën
A ishte vërtet njeriu që regjistroi thirrjen një entuziast radio amator? Ndoshta po sipas artikullit të Time, megjithëse ka teori të tjera. Në atë kohë, shtypi spekuloi se shërbimet sekrete britanike mund të kenë qenë pas regjistrimit të disa telefonatave mbretërore, përfshirë ato mes Dianës dhe miqve.
Ish-spiunët i thanë revistës People se cilësia e lartë e regjistrimeve tregonte profesionalizëm nga ana e atyre që regjistruan thirrjen.
A e zhduku shtypi thirrjen e regjistruar?
Sipas librit “The Diana Chronicles”, njeriu që regjistroi “Tampongate” e mbajti kasetën për vete për disa vite. Vetëm pasi shtypi publikoi një fragment të një telefonate midis Dianës dhe një shoku të ngushtë, burri i paidentifikuar kuptoi se mund të shiste regjistrimin e tij dhe të fitonte shumë para nga kaseta.
Autorja e librit Tina Broën, shkruan se burri e solli atë në Daily Mirror në 1992 dhe u pagua 30,000 £. Redaktori Richard Scott nuk e publikoi menjëherë bisedën nga frika se mos cenonte dasmën mbretërore. Ishte tetori i vitit 1992 kur Charles dhe Diana ishin në “një udhëtim pajtimi në Korenë e Jugut”.
Por shtypi vuri në dukje se princi dhe princesha ishin në një “gjendje të mjerueshme gjatë udhëtimit”. Më 11 nëntor, Daily Mirror filloi të “ngacmojë” audiencën me tituj si “Telefonata sekrete e Charles para gjumit”, megjithëse nuk e publikoi telefonatën mes Charles dhe Camilla-s.
Atë dimër, një zjarr në Kështjellën ëindsor dogji 100 dhoma dhe kjo i parapriu njoftimit të ndarjes së Dianës dhe Charles. Vetëm pas gjithë kësaj drame të Pallatit, më 17 janar 1993, si “Sunday People” dhe “Sunday Mirror ” publikuan të gjithë bisedën e çiftit.
Sipas biografisë së Sally Bedell, “Elizabeth the Queen: The Life of a Modern Monark”, një sondazh i publikuar pak pas publikimit të telefonatës zbuloi se 68 përqind e të anketuarve thanë se Charles “kishte dëmtuar reputacionin e tij” dhe 42% besonte se Princi 10-vjeçar i atëhershëm Uilliam ‘duhet të pasonte Elizabetën si monarku i ardhshëm’. /abcnews.al
