Joe Biden duket i kënaqur me rezultatet e deritanishme të zgjedhjeve afatmesme në SHBA. Në të vërtetë, presidenti amerikan ka çdo arsye për të shprehur lehtësimin e tij. Sondazhet parashikuan një dënim, i cili në fund nuk erdhi. Të rinjtë luajtën një rol kyç në shmangien e “valës së kuqe”.
Sipas exit poll-it të rrjetit ABC News, votuesit nga mosha 18 deri në 29 vjeç favorizuan demokratët. Përveç të rinjve, votuesit femra dhanë gjithashtu luajtën një rol kyç ku shumë thonë se aborti luajti një rol kryesor në votën e tyre për Partinë Demokratike.
Shumë prej kandidatëve të mbështetur nga demokratët mbizotëruan në “betejat” vendimtare për Kongresin. Ata siguruan rizgjedhjen, duke përfshirë kandidatë si Angie Frank në Minesota, ku pritej një garë e ngushtë.
Biden megjithatë u shpreh i gatshëm për të bashkëpunuar me republikanët.
“Jam i gatshëm të pranoj kompromise për të mirën e popullit amerikan. Nuk kemi nevojë të luftojmë çdo ditë, e ardhmja e SHBA-së është shumë premtuese”, tha ai.
Demokratët janë të bindur se ata do të mbajnë kontrollin e Senatit, ndoshta pa pasur nevojë për balotazh në Georgia.
/abcnews.al
