Një prezantues i një radioje lokale vdiq nga një sulm në zemër teksa prezantonte emisionin e tij të përditshëm të mëngjesit. Tim Gough, 55 vjeç, po prezantonte programin e tij të mëngjesit për GenX Radio Suffolk kur muzika ndaloi. Muzika rifilloi disa minuta më vonë por Gough, nuk u kthye më pas.
Stacioni radiofonik konfirmoi më pas në një deklaratë se ai kishte ndërruar jetë. GenX Radio Suffolk postoi në llogaritë e tyre në mediat sociale: “Me zemrën më të rëndë më duhet t’ju informoj, miku ynë i dashur dhe drejtuesi i mëngjesit Tim Gough ndërroi jetë këtë mëngjes teksa prezantonte programin e tij.
Prezantuesi, karriera e të cilit në radio daton që nga 1986, u kishte uruar dëgjuesve të tij një mëngjes të mirë. Ai dha përditësime për motin në të gjithë Suffolk dhe vetëm pak minuta përpara se ‘Grey Day’ nga Madness të ndalonte papritur, ai po fliste për çifte të famshme që janë martuar në Suffolk, ndër vite.
/abcnews.al
