Cristiano Ronaldo më në fund shënoi në Premier League vetëm në raundin e 10-të. Portugezi qëndroi në stol për ndeshjen kundër Evertonit, por hyri me urgjencë nga pankina për shkak të dëmtimit të Anthony Martial. Ronaldo doli në minutën e 29-të dhe shënoi në fund të pjesës parë duke i dhuruar fitoren 1-2 Manchester United.
Më herët ai shënoi nga penalltia ndaj Sherifit në Europa League. Goli i tij i fundit në ligë erdhi më 2 maj kundër Brentford.
Ndoshta me këtë lidhet edhe festa e Ronaldos. Të lehtësuar?
Apo ka ndonjë kuptim tjetër këtu?
Meqë ra fjala, ky është goli i 700-të i Ronaldos në karrierën e tij në klub dhe goli i 144-të për Manchester United në të gjitha garat. Ai gjithashtu shënoi 450 gola për Real Madridin, 101 për Juventusin dhe 5 për Sportingun. /G.D abcnews.al/
