Një klimë euforie mbizotëron orët e fundit në Kiev pas operacionit të suksesshëm për rimarrjen e qytetit Liman në rajonin e Donetskut, nga pushtuesit rusë.
“Që prej orës 12:00 Porti është tërësisht i pastër. Faleminderit ushtrisë sonë” , nxitoi të njoftojë presidenti ukrainas Volodymyr Zelensky në një video në Telegram ndërsa forcat ruse u tërhoqën drejt Donetskut.
Ukrainian troops have entered Lyman pic.twitter.com/gmkcfULjp2
— Illia Ponomarenko?? (@IAPonomarenko) October 1, 2022
Sekretari i Përgjithshëm i NATO-s, Jens Stoltenberg , foli për një “fitore të rëndësishme”, në të njëjtën kohë duke vlerësuar se ukrainasit mund të zmbrapsin me vendosmëri forcat ruse.
“Ukrainasit po bëjnë përparim dhe janë në gjendje të zmbrapsin forcat ruse falë guximit, falë trimërisë, aftësive të tyre por sigurisht edhe falë armëve të avancuara që u ofrohen nga SHBA dhe aleatët e tjerë”, tha shefi i NATO-s Stoltenberg, ndërsa shpjegoi se taktika më e mirë për Perëndimin pas aneksimit të katër rajoneve në Rusi është të vazhdojë ofrimin e pajisjeve ushtarake në Ukrainë.
A Ukrainian servicemember is seen removing pro-Russian flags in the city of Lyman, a key transportation hub, after Russia withdrew its troops from the area. https://t.co/8ciaM9O2DR pic.twitter.com/vzpdZ17uz2
— ABC News (@ABC) October 2, 2022
Ai u përgjigj në lidhje me kërkesën e Kievit për t’u anëtarësuar në Aleancë se “çdo vendim për anëtarësim duhet të merret me miratimin unanim të 30 aleatëve”., duke iu referuar kështu vendimeve kolektive të Aleancës.
Në Liman ishte edhe gazetari gjerman i Bild, Paul Rodsheimer, i cili përshkroi imazhin e qytetit pasi u rimor nga ukrainasit.
“Ne pamë shumë ushtarë rusë të vdekur në rrugë, ka shkatërrime kudo. Ndër të tjera, pamë një grua ukrainase duke puthur dheun nga lumturia për çlirimin e qytetit nga pushtuesit rusë”, tha gazetari gjerman./abcnews.al/
