Shtatori është muaji kur njerëzit tradhtojnë më shumë, të paktën kështu pretendojnë studimet e reja. Gjegjësisht, numri i mashtrimeve rritet me 22 për qind në fillim të vjeshtës, sepse njerëzit të cilët janë të pakënaqur në marrëdhëniet e tyre duan të fillojnë diçka të re, sipas Yahoo Life.
Duke qenë se jemi në fund të shtatorit, kjo do të thotë se mashtruesit kanë më shumë gjasa të fillojnë një lidhje tani sesa në çdo muaj tjetër. Një studim mbi tradhtinë u krye nga IllicitEncounters dhe zbuloi se 32 për qind e grave dhe 34 për qind e burrave thonë se vera e tensionon marrëdhënien e tyre.
Pikërisht për këtë ata angazhohen në afera pas verës. Duke marrë parasysh që pushimet vjetore zakonisht i kalojnë së bashku, gjasat për këtë rriten. Një e pesta e burrave (21 përqind) dhe një numër i ngjashëm i grave (19 përqind) thanë se kishin më shumë gjasa të tradhtonin kur të ktheheshin në zyrë.
Janari ka qenë tradicionalisht gjithmonë një muaj mashtrimi, sepse partnerët e pakënaqur e përdorën Vitin e Ri për të kërkuar partnerë të rinj. Megjithatë, shtatori doli si muaji më i mundshëm për mashtrim, me 32 për qind të burrave dhe 31 për qind të grave që e zgjodhën atë.
Janari zuri vendin e dytë, i zgjedhur nga 24 përqind e meshkujve dhe 22 përqind e femrave. /abcnews.al
