Sipas The Athletic, ekziston një perceptim se objekti stërvitor i Manchester United në Carrington nuk është mjaftueshëm modern për të tërhequr lojtarët më të mirë.
Disa “burime” besojnë se infrastruktura e Djajve të Kuq është shumë nën standardet e larta të vendosura nga skuadrat e tjera të Premier League.
Qendra e trajnimit në Carrington u hap në vitin 2002 dhe nuk ka parë ndonjë përmirësim të madh që kur Glazers mori drejtimin. Sipas burimit, Cristiano Ronaldo gjithashtu beson se baza e Manchester United nuk është në standardet e tij. Kështu, për shembull, portugezi është i pakënaqur me një pjesë të infrastrukturës së klubit, në veçanti, duke vënë në dukje nevojën për të riparuar pishinën dhe saunën në bazë, shkruan abcnews.al.
Pronarët e United thuhet se po planifikojnë një ndryshim, por ende nuk është shpallur një datë e saktë.
Edhe tifozët e Manchester United në rrjetet sociale po kërkojnë ndryshime.
UnitedPeoplesTV: “Duket se askush nuk u kujdes për bazën për një kohë të gjatë dhe ajo u la të ndryshket? Sikur pronarët po injorojnë atë që nevojitet ndërsa klube të tjera si Leicester, City dhe Liverpool po ndërtojnë objekte të reja të teknologjisë? #GlazerLargohu.
Jacob Jarvis: “Unë do ta them përsëri: ju duhet të ndërtoni një terren të ri stërvitor dhe ose të bëni riparimet e duhura, ose ta shkatërroni dhe ta rindërtoni”.
Al Foran: “Një kujtim i fortë se këta pronarë shushunjash nuk kujdesen për infrastrukturën e klubit. Unë do të thosha se jemi lehtësisht në 5 vendet e fundit në ligë kur bëhet fjalë për ambientet stërvitore”. G.D. /abcnews.al/
