Rafael Nadal siguroi se të luash përkrah Roger Federer, në ndeshjen e tij të fundit profesionale, është diçka “e paharrueshme”.
Spanjolli zbarkoi këtë të enjte në Londër për “Laver Cup”, në të cilin do të luajë një ndeshje dyshe këtë të premte me Roger Federer, i cili njoftoi tërheqjen e tij javën e kaluar.
“Është një presion tjetër pas gjithçkaje që kemi ndarë. Të jem pjesë e këtij momenti historik do të jetë e paharrueshme për mua. Jam shumë i emocionuar, shpresoj të luaj mirë dhe të krijoj një moment të mirë dhe të fitoj ndeshjen.
Marrëdhëniet personale janë më të rëndësishme se ato profesionale. Do të jetë e vështirë të menaxhosh gjithçka, veçanërisht për Rogerin, por edhe për mua.
Një nga lojtarët më të rëndësishëm në karrierën time dhe në histori. Jam mirënjohës që luaj”, përfundoi Nadal. /f.a/abcnews.al
